|
|
 | |  |
|
პოინტერი
ინგლისური პოინტერის წარმოშობის შესახებ დღემდე არ წყდება კამათი. არსებობს მოსაზრება, რომ პოინტერი, 18-ე საუკუნის დასაწყისში შეიყვანეს ინგლისში, სადაც ის ესპანეთიდან და პორტუგალიიდან მოხვდა. ინგლისურიდან ამ ჯიშის სახელი ითარგმნება როგორც „მითითება“.პოინტერი ზუსტად ამართლებს ამ სახელწოდებას, რადგანაც მოსანადირებელი ობიექტის დანახვისთანავე მიუთითებს მონადირეს, რომელ მხარეს უნდა გაიხედოს. ინგლისური პოინტერი, თავისი არაჩვეულებრივი მონადირული უნარების გამო, განსაკუთრებით ნადირობის მოყვარულებმა დააფასეს.პოინტერი საშუალოზე მაღალი, ძლიერი, ამასთანავე კარგი აღნაგობის ძაღლია, კარგად განვითარებული ძვლოვანი და კუნთოვანი სისტემით. ახასიათებს მაღლა აწეული თავი, ზომიერად გრძელი და მშრალი. თვალები მრგვალი, საშუალო ზომის. თვალის ფერი პოინტერს სხეულის ლაქების შეფერილობის მსგავსი ან ოდნავ მუქი აქვს. ყურები მაღლა დასმული, ჩამოკიდებული, რბილი და თხელი. სწორი, მოქნილი და ენერგიული კუდი. პოინტერის ბეწვი მოკლეა, სხეულზე კარგად მიკრული. შეფერილობა: შავი, ყავისფერი, ჟღალი. შესაძლოა იყოს როგორც ერთფერიანი, ასევე სამფერიანი. პოინტერი მამაცი, ტემპერამენტიანი, ენერგიული ძაღლია. არის გაწონასწორებული, ერთგული. მკვეთრად აქვს გამოხატული მონადირული აზარტი. აქტიური და შესანიშნავი ყნოსვის მქონე პოინტერი არაჩვეულებრივი მონადირეა.
|
| კატეგორია: მონადირე ძაღლები | დაამატა: monadire (03.03.2010)
|
| ნანახია: 1322
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
